Rumunët tani po e ndjejnë frikën nga Federata e Futbollit të Kosovës.
Media rumune “Prosport” ka shkruar me shqetësim për ankesën e Federatës së Futbollit të Kosovës në CAS të Lausannes.
Sepse rumunët e ndjejnë fajin e provokimit të rëndë që ia bën lojtarëve të Kosovës.
“Federata e Kosovës po e sulmon në CAS vendimin e UEFA-s për fitoren në tavolinë të kombëtares rumune në ndeshjen e xhiros së parafundit të Ligës së Kombeve, në Arenën Kombëtare, e cila përfundoi me braktisje të fushës nga lojtarët mysafirë në minutën e 90+2.
Kosova u largua nga fusha duke akuzuar tifozët rumunë se kanë brohoritur parulla raciste dhe ksenofobike.
Kosova janë duke shfrytëzuar absolutisht të gjitha rrugët e apelit dhe i janë drejtuar avokatëve të njohur në Zvicër dhe Gjermani për të bindur Gjykatën e Arbitrazhit Sportiv (CAS) në Lozanë që të ndryshojë vendimin e UEFA-s. Për këtë ka folur edhe gazetarja e njohur e Kosovës”, ka shkruar media rumune “Sport”.
Qeqa Krelani tha se respekton shtypin në Rumani, por u godit nga vala e urrejtjes nga tifozët e kombëtares së trajnerit Mircea Lucescu.
Gazetarja pretendon se është ngacmuar dhe kërcënuar nga disa prej mbështetësve të Rumanisë.
“Nuk kisha frikë. Kështu funksionojnë gjërat. Të shajnë në internet dhe kur të shohin personalisht kërkojnë të bëjnë foto me ty. Kjo më ndodh gjatë gjithë kohës.
Edhe rojet kufitare donin të bënin foto. Gjithashtu, mediat rumune ishin shumë profesionale me mua dhe kam shumë respekt për to. Ata kurrë nuk kanë shtrembëruar artikujt apo editorialet e mia. Ata janë shumë të drejtë.
Edhe në stadiume nuk kam ndjerë kurrë se nuk jam i sigurt. Me gruan e Ermal Krasniqit jemi shumë mikesha, ndaj nuk kam pasur probleme me fansat rumunë më parë.
Kjo është edhe arsyeja pse unë nuk e kuptoj nivelin e urrejtjes që ka ardhur kundër meje tani. Të gjitha të këqijat nisën pas ndeshjes.
Ata më urrejnë dhe më ofendojnë”, ka thënë Qeqa Krelani, përcjell media rumune “iamsport.ro”.
