Manchester City sigurisht që nuk po kalon një periudhë të lumtur. Në të vërtetë, që nga ardhja e Josep Guardiolës e në vazhdim, Qytetarët ndoshta nuk kishin përjetuar kurrë më parë një moment kaq të komplikuar.
Në raundin e fundit të kampionatit u arrit një fitore 3-0 ndaj Nottingham, e para që nga 27 tetori e në vazhdim.
Por së pari humbja në përplasjen direkte me Liverpool-in ishte shumë e rëndë.
Sikur të mos mjaftonte kjo, përfshihen edhe disa çështje të merkatos, si ajo që lidhet me Kevin de Bruyne, të cilit i skadon kontrata.
Pikërisht për këtë çështje Guardiola u pyet në konferencën për shtyp: "De Bruyne largohet në qershor? Nuk e di, nuk jam i përfshirë në negociata. Do të doja që ai të ishte 23 vjeç dhe të rinovonte për 10. Do shikojmë...".
De Bruyne ka një kontratë që skadon më 30 qershor 2025 me Manchester Cityn, por me moshën që ka dhe thashethemet për një largim të mundshëm, nuk mund të përjashtohet që mesfushori mund të pranojë një aventurë të re, ndoshta në Major League Soccer (MLS), në një ambient më relaksues.
Dhe nga MLS, sipas thashethemeve të fundit, ka lëvizur David Beckham, i cili do të dëshironte ta çonte te Inter Miami.
