Ekipet e Superiores nuk kanë shumë kohë për të pushuar. Ditën e nesërme do të duhet të zbresin menjëherë në fushë për të bërë mes tyre llogaritë e javës së 17-të. Saktësisht kjo javë do të jetë e ndarë në 2 ditë, të dielën dhe të hënën.
Ditën e nesërme në orën 13:30 do të luhen 2 takime. Egnatia do të presë Skënderbeun në “Egnatia Arena”. Rrogozhinasit pas barazimit me Partizanin ndaj korçarëve synojnë rikthimin te fitorja. Ndërkohë nga krahu tjetër Ernest Gjoka kërkon 3 pikët e para me Skënderbeun.
Paralelisht do të luhet edhe në Kurbin. Laçi do të presë Dinamon e Ilir Dajës për të bërë mes tyre llogaritë e kësaj jave. Skuadra e Morieros synon një tjetër fitore në shtëpi për t’iu larguar fundit të klasifikimit, ndërsa dinamovitët tentojnë fitoren e 3-të rresht në kampionat.
Po ditën e nesërme do të luhet edhe përballja mes Elbasanit dhe Vllaznisë. Kjo sfidë do të luhet në “Loro Boriçi” në orë 16:30. Një duel direkt mes dy ekipeve, ku shkodranët kërkojn ëtë mbajnë vendin e tyre në “Final – Four”, ndërsa te verdheblutë synon të debutojë me fitore Ivan Gvozdenovic.
Ndërkohë të vënëne gjithë vëmendja do të jetë te 2 përballjet e tjera. Bylisi do të presë në “Adush Muça” skuadrën e Partizanit, takim që starton në orën 13:30.
Dhe dueli i fundit i kësaj jave do të jetë mes Tiranës dhe teutës. Sfidë kjo që do të zhvillohet në “Arenën Kombëtare” duke nisur që nga ora 17:0
