Henrik Mkitarian ishte një nga lojtarët më të rëndësishëm të ndeshjes kundër Parmës. Armeni frymëzoi ekipin e tij me 2 pasime për golat e Dimarkos dhe Barelës. Megjithatë, armeni i ka normalizuar pasimet e tij duke thënë se asgjë nuk ishte e jashtëzakonshme.
“Ishte diçka normale pasimi për Barelën. Nuk mendoj se kishte diçka speciale.
E rëndësishme ishte që ta fitonim këtë ndeshje dhe merita është e shokëve të mi. Sekreti im janë pikërisht shokët e skuadrës.
Unë kërkoj gjithmonë që të bëj më të mirën.
Pjesa tjetër thjesht ndodh. Asgjë speciale”, ka thënë armeni. Ai është pyetur gjithashtu edhe për Leverkusenin. “Që nga koha kur unë kam luajtur në Gjermani është tjetërsuar si ekip. Ka një trajner tjetër dhe janë të fortë. Për ecurinë tonë në Europë është një ndeshje e rëndësishme.
Statistikat? Nuk i shoh më tani. I shikoja kur luaja në një tjetër rol. Po argëtohemi më shumë duke luajtur çdo 3-4 ditë dhe japim gjithmonë maksimumin në fushë”, përfundoi Mkitarian.
