Prishtina nuk ka marrë më shumë se një barazim në sfidën e sotme ndaj Gjilanit 2-2.
Ka qenë një ndeshje shumë e luftuar, me prishtinasit që në fund lëshuan fitoren nga dora.
Leonat Vitija shënoi sërish gol për kryeqytetasit, njësoj siç bëri javën e kaluar, por kësaj radhe nuk mjaftoi për fitore.
Vitija ka folur për faqen zyrtare të klubit rreth ndeshjes, duke thënë se pranuan dy gola nga pakujdesia.
“Filluam mirë lojën, por pësuam gol nga pakujdesia. Shëejtë barazuam dhe morëm sërish ndeshjen nën kontroll”.
“Kaluam në epërsi me rast identik si në Klinë, isha shumë i kënaqur që po vazhdoj të shënoj e po i ndihmoj skuadrës, por sërish pësuam në fund duke pranuar goditje të rëndë duke humbur dy pikë, sepse kishim ndeshjen nën kontroll”, deklaroi Vitija..
