Elbasani dhe Vllaznia do të duelojnë mes tyre ditën e sotme në “Loro Boriçi”, duke nisur që nga ora 16:30. Në stolin e verdhebluve do të debutojë Ivan Gvozdenovic, i cili do të kërkojë 3 pikët me skuadrën e Elbasanit.
Nuk do të jetë aspak e lehtë për të, pasi përballë do të ketë një skuadër si Vllaznia dhe që do të luhet në transfertë.
Sikur të mos mjaftonte vetëm kjo, por trajneri serb do të ketë edhe mungesa të rëndësishme.
Bruno Telushi, Ze Gomesh dhe Edon Hasani për arsye dëmtimesh, ndërsa Bruno Lulaj për shkak kartonësh nuk do të mund të jetë i gatshëm për kuqeblutë. Ndërkohë në dilemë është Ardit Hila, pasi mesfushori ka shfaqur probleme fizike. Mbetet të shihet nëse do të rrezikojë apo jo.
