Përfaqësues të FSHF-së dhe kryetari i Bashkisë Prrenjas, takim pune për ndërtimin e fushave të reja sportive!
Zv. Presidenti i FSHF-së, Arben Dervishaj dhe përfaqësues të departamentit të projekteve zhvilluan një takim pune me kryetarin e Bashkisë Prrenjas, Nuri Belba, në ambientet e “Shtëpisë së Futbollit”.
Fokusi i diskutimit ishte kërkesa për investim në infrastrukturën sportive të qytetit të Prrenjasit, si një mënyrë për të përmirësuar cilësinë e jetës së qytetarëve përmes futbollit.
Përfaqësuesit e FSHF-së shprehën gatishmërinë për të bashkëpunuar në projekte që synojnë përmirësimin e infrastrukturës sportive në Shqipëri.
Në vazhdim do të shqyrtohet plani i projektit për këtë investim dhe do të konkretizohen përpjekjet për ndërtimin e fushave të reja sportive në qytetin e Prrenjasit.
