Mbrojtësi anglez Eberechi Eze, që aktualisht luan me Crystal Palace, është në qendër të një transferimi në merkaton e janarit. Disa skuadra si në Premier League ashtu dhe në Itali janë vënë në ndjekje të 26-vjeçarit.
Sipas mediave italiane, Juventus dhe Napoli janë vënë në garë për të marrë mbrojtësin, që ka një kontratë deri në vitin 2027 me Palace.
Ndërkohë që, kostoja e këtij transferimi pritet të kapë 50 milionë euro.
Dy sezonet e fundit kanë qenë shumë të mira për Eze, aq sa të fitojë të drejtën të grumbullohet edhe në kombëtaren e “3 luanëve” (9 ndeshje). Për të është interesuar edhe Manchester United.
Të gjitha ekipet që e duan kanë probleme në mbrojtje dhe e konsiderojnë Eberechi Eze si një përforcim të rëndësishëm. Duket se lojtari ka dëshirë të largohet nga Anglia, ndaj në Itali presin me padurim të ndërhyjnë.
