Thiago Motta, trajneri i Juventusit, ka folur para një ndeshjeje të rëndësishme kundër Manchester City, duke shprehur respektin për skuadrën angleze, por edhe besimin në përgatitjen e ekipit të tij: “Manchester City është një skuadër e jashtëzakonshme, kam vetëm admirim për ta. Ne kemi punuar mirë gjatë gjithë javës dhe do të japim maksimumin në fushë”.
Të dyja skuadrat kanë të njëjtat pikë dhe janë të motivuara për të shkuar më pranë 8-shes së parë. Për këtë ndeshje delikate, trajneri bardhezi do të ketë në dispozicion Douglas Luiz, McKennie dhe veçanërisht Cambiaso, i cili megjithatë pritet të mos luajë që nga fillimi.
Për kundërshtarin – “Nesër do të përballemi me një skuadër me karakteristika të caktuara.
Duhet të jemi të gatshëm të mbrohemi mirë kur ata sulmojnë dhe të luajmë me cilësi të lartë kur të kemi topin”.
Për vizitën e John Elkann – “Po, mund të them se ishte kënaqësi për ne që erdhi të na vizitonte. Të gjitha detajet e tjera mbeten mes nesh”.
