Dinamo – Tirana është supersfida e javës së 18-të të Superiores. Dy ekipet do të sfidohen mes tyre më ditën e shtunë në stadiumin “Elbasan Arena”, takim që starton në orën 16:00.
Një përballje e cila vlen më shumë se 3 pikët, vlen për krenari dhe prestigj. Përballë njëri – tjetrit do të vihen Ilir Daja dhe Gugash Magani, të cilët do të hyjnë në fushë vetëm për 3 pikët
Përballjet mes Tiranës dhe Dinamos kanë qenë gjithmonë të luftuara, por nëse i hedhim një sy statistikave të sfidave direkte mes tyre shikojmë që bardheblutë janë favoritë. Kjo pasi “Blutë” mund t’i konsiderojmë si “kafshata” e preferuar e Tiranës, pasi në 4 përballjet e sezonit të kaluar mes tyre kanë arritur të marrin pikë. Njëjtë edhe në derbin e parë të këtij sezoni, ku sfida ëprfundoi 0-0.
Kështu bardheblutë i kanë marrë plot 11 pikë Dinamon, me “Blutë” që kanë mundur të marrin vetëm 2 barazim dhe janë mposhtur 3 herë të tjera. Në derbin e radhës mes tyre, Dinamo me Ilir Dajën në stol do të tentojë të ndryshojnë rrjedhën e statistikave, ndërsa nga krahu tjetër Magani kërkon të rikthejë ekipin te rezultatet pozitive në kampionat dhe të vazhdojë dominimin në derbi.
