Trajneri Xabi Alonso e ka marrë vendimin. Spanjolli është menduar mirë me familjen dhe do të largohet nga Bayer Leverkusen.
Trajneri i suksesshëm (kampion Gjermanie dhe finalist i Europa League) ka kuptuar se nuk ka më potencial për rritje me “Aspirinat”.
Skuadra ka pësuar rënie të dukshme gjatë këtij sezoni futbollistik dhe ofertat për të nuk mungojnë.
Sipas raportimeve të fundit, 42-vjeçari do të largohet dhe madje ka vendosur të marrë një lojtar me vete në skuadrën e re. Ai është Alejandro Grimaldo.
Real Madrid dhe Bayern deri tani janë dy klubet e interesuara. Xabi Alonso ka luajtur në Madrid dhe në Mynih. Ai e di se Los Blancos dhe bavarezët po e presin.
