Trajneri i Manchester Unitedit, Ruben Amorim është shprehur i lumtur me fitoren kundër Manchester Cityt.
‘Djajtë e Kuq’ me përmbysje mundën Cityn (1-2), në ‘Etihad Stadium’ të dielën që lamë pas në derbin e madh anglez.
Tekniku i Man Unitedit pas ndeshjes tha se ishte një rikthim i pabesueshëm.
“Ishte e pabesueshme. Mendoj se e merituam. Ishte një ndeshje shumë e vështirë, por ne besuam deri në fund. Arritëm të shënonim, na duhej kjo fitore, ishte e rëndësishme për ne dhe për tifozët tanë”, ka thënë Amorim.
Ai thotë se tifozët kishin nevojë për një fitore të tillë. Amorim kërkon që skuadra të vazhdojë më këtë formë.
“Tifozët kishin nevojë për këtë fitore. Ashtu si ne, por ju mund ta shihni nga mënyra se si ata festojnë se është diçka e veçantë. Por ne duhet të vazhdojmë. Klubi ynë duhet të fitojë këto ndeshje, unë e kuptoj lumturinë e tifozëve tanë, por ne duhet të ecim përpara. Ne duhet të përmirësojmë shumë gjëra, por sot djemtë e merituan fitoren deri në minutën e fundit dhe kjo është e rëndësishme”, ka pohuar Amorim.
