Ish-futbollisti i Milanit, Marco Van Basten në një intervistë për ‘Gazzetta dello Sport’, ka folur për periudhën që po kalon skuadra ‘Rossonere’.
Legjenda holandeze është i bindur se Milani do të rikthehet në nivelet më të larta jo vetëm në Itali, por edhe në Evropë.
Sipas tij, milanistët kanë tifozë fantastik. Van Basten e pranon se viteve të fundit Interi është më i fortë se Milani, por ai është i bindur se skuadra e Fonseca-s do të rikthehet në nivelet e larta.
“Milani është një klub i madh, ka një stadium fantastik dhe super tifozësh”, ka thënë Van Basten.
“Fatkeqësisht viteve të fundit Interi ka udhëhequr dhe për tifozët e Milanit kjo është një goditje në zemër”.
“Jam i bindur se do të rikthehet përsëri, ndoshta duhet të ketë më shumë talentë italian, për shembull Spanja i vlerëson shumë talentët”, ka pohuar Van Basten.
