Marcus Rashford është lidhur me një kalim të befasishëm në një klub saudit pas rënies nga favori te Manchester United.
Rashford, 27-vjeçar, u la jashtë skuadrës për ndeshjen e Unitedit kundër Manchester Cityt, e fituar 2-1 në “Etihad Stadium” të dielën.
Kur u pyet për arsyen e lënies jashtë të Rashford dhe Alejandro Garnacho nga skuadra prej 20-lojtarësh për udhëtimin te rivalët e qytetit, trajneri i United, Ruben Amorim, insistoi se ishte një çështje “zgjedhjeje”.
“Ne mundohemi të vlerësojmë gjithçka – stërvitjen, performancën, performancën në ndeshje, angazhimin me shokët e skuadrës, inkurajimin e shokëve të skuadrës,” tha ai.
“Çdo gjë është në lojë kur analizojmë dhe përpiqemi të zgjedhim lojtarët, kështu që ishte zgjedhja ime. E thjeshtë.”
“Unë nuk dua të dërgoj një mesazh (në dhomën e zhveshjes me këtë). Është thjesht një vlerësim, dhe ata e dinë këtë.”
“Lojtarët janë shumë, shumë të mençur, kështu që të gjithë e kuptojnë vendimin tim, dhe unë duhet të zgjedh. Është thjesht një zgjedhje e thjeshtë.”
“Padyshim, konteksti është i vështirë – ne duhet të fitojmë ndeshje dhe tani kemi një situatë të vështirë.”
“Por, siç thashë, unë i kushtoj vëmendje gjithçkaje – mënyrës se si hani, mënyrës se si vishni rrobat për të shkuar në lojë. Çdo gjë.”
“Unë bëj vlerësimin tim dhe pastaj duhet të vendos. Kam shumë lojtarë për të zgjedhur, dhe sot, bëra zgjedhjen time.”
Më herët gjatë javës, raportet në “The Telegraph” sugjeruan se United janë “të shqetësuar për stilin e jetës së Rashford jashtë fushës, dhe ai nuk është më aq i fokusuar në futbollin siç duhet.”
Ai ka qenë më parë i lidhur me një kalim në PSG. Por tani ka dalë një konkurrent i ri për të nënshkruar me ndërkombëtarin anglez.
Sipas “talkSPORT”, Al-Ittihad, që drejtohet nga ish-mbrojtësi i United, Laurent Blanc, është “vënë në alarm” pas lënies jashtë të Rashford nga skuadra e Amorim.
Raportimi sugjeroi se “United janë të hapur për oferta”, por “Rashford është i përmbajtur për të lënë klubin e tij të fëmijërisë, pasi ka shpresa për të marrë një ftesë për Kombëtaren e Anglisë për Kupën e Botës 2026, figura të larta në United mendojnë se një ndarje do të ishte më e mira për të dy palët.”
Lojtari 27-vjeçar është nën kontratë me klubin deri në qershor 2028, pasi firmosi një marrëveshje të re pesëvjeçare në verën e vitit 2023.
Nëse ai do të kalonte te Al-Ittihad, do të bëhej shok skuadre me ish-yjet e Premier League, N’Golo Kante, Fabinho dhe Moussa Diaby, si dhe ish-sulmuesin e Real Madrid, Karim Benzema.
