Carlo Ancelotti, i cili u bë trajneri me më shumë tituj në historinë e Real Madridit, foli pas fitores kundër Pachuca në një konferencë për shtyp: “Jam shumë i lumtur, është një sukses i madh. E filluam disi me vështirësi, por pak nga pak morëm kontrollin.
Sigurisht, kishim epërsi në cilësi ndaj kundërshtarit, por duhej të tregonim qëndrim solid në fushë. Pak nga pak e merituam fitoren. Në fund më pëlqeu qëndrimi i lojtarëve, gjetëm hapësirat mes linjave”.
Cili është titulli më i veçantë për ty mes 15 të fituarve si trajner i Real Madridit?
Jo, nuk mund ta them. Është e vështirë të zgjedh për këtë, por ‘La Décima’ ishte speciale për mua dhe Real Madridin. Po ashtu edhe fitorja e Champions League në Paris. Nëse duhet të zgjedh, do të ishin këto dy tituj”.
A e ke më të lehtë të fitosh tituj me Real Madridin?
Do të jem i sinqertë: Të fitosh tituj te Real Madridi është më e lehtë se kudo tjetër. Kjo për shkak se klubi është fantastik, tifozët tejet mbështetës, ndërsa skuadra ka lojtarët më të mirë në botë.
Çfarë kujton nga kthimi te Real Madridi?
Ditët para kthimit nuk e imagjinoja që mund të rikthehesha. Bëra atë telefonatë vetëm për të parë nëse mund të gjeja ndonjë lojtar për ta marrë. E hodha ‘karremin’ dhe ata ranë në grackë (qesh).
