Nuk do të jenë një Krishtlindje e mirë për Andy Pelmard.
Futbollistit të Lecces iu hoq patenta në fund të një mbrëmjeje që filloi me darkën e Krishtlindjeve të klubit italian dhe përfundoi pas një ndjekjeje nëpër rrugët e qendrës së qytetit Salento.
24-vjeçari francez akuzohet se drejtonte mjetin në gjendje të dehur dhe i rezistoi një zyrtari publik për të mos u ndalur kur i kërkoi një postbllok i policisë.
Akuza u zyrtarizua në komisariat, efektivët e policisë e shoqëruan dhe më pas futbollisti u la i lirë pak orë më vonë.
Niveli i konstatuar i alkoolit në gjak ishte nga 1.5 deri në 1.2 gram për litër, që rezulton me pezullim të lejes së drejtimit nga gjashtë muaj në një vit, gjobë deri në 3200 euro dhe burgim deri në gjashtë muaj sipas kodit të ri rrugor në Itali, i cili hyri në fuqi më 14 dhjetor.
Leçe ka marrë masa të menjëhershme duke përjashtuar lojtarin nga organika pas kësaj ngjarjeje të rëndë.
