Armando Broja është pjesë e Everton që prej gushtit të këtij viti. Sulmuesi i Kombëtares shqiptare u largua nga Chelsea për t’u huazuar te klubi tjetër anglez që militon po ashtu në Premier League.
Edhe pse vetëm pak kohë me Everton, Broja duket se është kthyer në pjesë të rëndësishme të skuadrës.
Diçka të tillë e shpjegon mjaft mirë edhe video e fundit e publikuar nga klubi anglez.
Në një ‘lojë’ nga Everton, ku futbollistët pyeten se cilin do të ftonin në shtëpi për darkën e Krishtlinjdes, në mënyrë të papritur nuk mungoi emri i Brojës.
Ishte pikërisht mbrojtësi ukrainas, Vitaliy Mykolenko ai që tha se do të ftonte Armando Brojën për darkë. Duket se shqiptari ka nisur një miqësi të re me ukrainasin, i cili nuk heziton as për ta thirrur Brojën në shtëpi.
