Shibeniku dhe Hajduku i Splitit do ta mbyllin pjesën vjeshtore të këtij sezoni në elitën e futbollit kroat në kuadër të ndeshjes së xhiros së 18-të.
Ndeshja luhet të dielën dhe fillon në orën 17:30.
Para ndeshjes, trajneri i Hajdukut, Gennaro Gattuso, iu drejtua publikut në një konferencë për shtyp.
Cila është situata me Leon Dajakun dhe Benrahoun?
“Tre muaj më parë i pranova në ekip. I ndoqa, pas pesë bisedave tona, e kupton që është një histori e përfunduar.
Unë kam shumë vite në këtë zeje, stema dhe fanella e Hajdukut meritojnë respekt. Unë si trajner kam rregullat e mia dhe u kërkoj lojtarëve t'i respektojnë ato.
Mendoj se lojtarët profesionistë duhet të jenë futbollistë në kuptimin e plotë.
Qasja e tyre duhet të jetë e mirë si kur fitojnë ashtu edhe kur humbasin. Lojtarët duhet të jenë të gatshëm të përgjigjen për veprimet e tyre në çdo kohë. Nuk u takon atyre të shqetësohen për të luajtur. Ata duhet të jenë të gatshëm për të luajtur në çdo kohë.
Ajo që nuk më pëlqen te lojtarët është negativiteti.
Këta dy lojtarë sollën shumë negativitet. Ka lojtarë të tjerë që janë negativë.
Derisa jam trajner, qoftë për një muaj apo tre vjet, do të luajnë edhe djemtë 15-vjeçarë. Preferoj të humbas ndeshjen sesa të humbas dinjitetin tim.
Lojtarët duhet të jenë lojtarë, duhet të sillen si profesionistë.
Ata nuk duhet të kenë një fytyrë negative. Pagat në këtë klub vijnë rregullisht. Nëse doni të largoheni nga klubi, merrni përgjegjësinë, mos kërkoni para nga klubi. Për sa kohë që unë jam trajner, lojtarët do të gjakosen për këtë stemë”, tha Gattuso.
