Laçi – Tirana është dueli tjetër i javës së 19-të që do të luhet ditën e nesërme në orën 13:30. Një sfidë mjaft e rëndësishme për objektivat e skuadrave, që aktualisht ndodhen në pjesën e poshte në klasifikim.
Gugash Magani ka folur përpara këtij dueli. Trajneri peqinas ka theksuar se skuadrës së tij i ka munguar fati në 2 javët e fundit. Ndër të tjera ka zbuluar se kryeqytetasit do të kenë disa mungesa në këtë sfidë, por kjo nuk është justifikim, pasi ekipi nuk ka rrugë tjetër veçse fitores.
“Puna jonë është që të motivojmë lojtarët për çdo ndeshje, unë mendoj që këto dy javët e fundit, na ka munguar fati dhe kemi pasur një farë ngërçi dhe ti shikojmë të gjitha ndeshjet si një finale, si ajo e derbit që për fat të keq nuk e fituam.
Çdo ndeshje ka historinë dhe rëndësinë e vet, ne jemi në një situatë të pazakontë, e rëndësishme është të jemi të qetë dhe me siguri për ta fituar ndeshjen. Ne skemi asnjë alternativë tjetër përveçse se fitore. Nuk kemi rikthime, kemi dëmtime.
Çdo lojtar ka rëndësinë e vet dhe të shoh veten e vet, duhet ta meritojnë fanellën dhe janë të gjithë të rëndësishëm për skuadrën. Ndreca nuk ka pasur shumë minuta, meriton mundësinë e vet, nesër do jetë nga fillimi. Është i dyti që ka shënuar më shumë gola për Tiranën, do presojmë më shumë me atë në skuadër.
Laçi luan futboll të bukur dhe me karakter, Lufton shumë. Nuk ka humbur asnjë ndeshje në fushën e vet këto kohët e fundit, meriton gjithë respektin por ne duam 3 pikët. Lojtarët mundohen dhe bëjnë maksimumin, lojtarët veteranë janë më të qetë, gabimet duhet të jenë sa më njerëzore”, ka theksuar timonieri i bardhebluve.
