Federata e Futbollit e Kosovës (FFK) bëri sot (e premte) në një ceremoni ndarjen e çmimeve “Laureatët e Vitit 2024”.
Pa çmim pas një viti të jashtëzakonshëm dhe plotë suksese nuk mbeti as ylli i Kosovës, Edon Zhegrova.
Zhegrova u nderua nga FFK-ja me çmimin ‘Fadil Vokrri’ pas paraqitjeve të tij fantastike si për Kosovën ashtu edhe për klubin e tij Lille.
Ylli kosovar këtë edicion po kalon sezonin e tij më të mirë në karrierë me klubin e tij, sidomos në Ligën e Kampionëve, edhe ndaj Real Madridit.
