Thiago Motta, trajneri i Juventusit, ka folur në konferencën për shtyp në prag të ndeshjes së kampionatit ndaj Monza-s.
E ka nisur nga mungesat:
“Bremer, Cabal, Milik, Rouhi, Weah dhe Douglas Luiz nuk do të jenë nesër. Do të vlerësojmë gjendjen e Cambiaso-s.
“Në fakt, unë mund të marr edhe Douglas, por nesër i dua të gjithë qind për qind dhe do të shohim në ndeshjen e ardhshme nëse ai do të jetë apo jo”.
– A mund të ketë Locatelli një të ardhme si qendërmbrojtës, siç ndodhi në Kupën e Italisë?
“Çdo zgjedhje që bëjmë është e lidhur me momentin dhe të mirën e ekipit. Manuel ka një aftësi të madhe për t’u përshtatur dhe lexuar situatat gjatë ndeshjeve, për shkak të komunikimit dhe mënyrës se si i qaset punës, ai është i aftë të bëjë shumë gjëra.
“Kur kemi nevojë, ai mund të na ndihmojë: e di që pozicioni i tij është mesfushor, nuk po shpik asgjë dhe shpjegova se kam folur me të, sepse lojtari duhet të bindet kur ndryshon pozicion.
“Ai është i bindur se mund të luajë edhe si qendërmbrojtës, nëse kemi nevojë për të do ta përdorim sërish atje”.
