Në vigjilje të ndeshjes Real Madrid – Sevillla, Carlo Ancelotti ka qenë ironik përballë gazetarëve.
I pyetur se çfarë vlerësimi kishte për vitin që po mbyllet, trajneri italian, Carlo Ancelotti tha: “Unë i jap një vlerësim të jashtëzakonshëm duke marrë parasysh të gjitha pengesat që kemi pasur.
Pavarësisht kësaj, ne kemi fituar pesë tituj. Në 2025-ën kërkoj që djemtë të luftojnë pa pushim dhe të fitojmë Ligën e Kampionëve”.
Ndërsa në përgjigjen e dhënë kur u pyet për bilancin e 2024-ës, Ancelotti tha:
“Triumfi përballë Borusias në finalen e Champions-it ishte një moment unik ndërsa u trishtova shumë pas humbjes që pësuam në ‘Bernabeu’ përballë Barçës. Nga 2025 kërkoj që të më kritikojnë edhe më shumë”.
