Sevilja është e ftuara e fundit e vitit në “Santiago Bernabeu”. Dhe situata nuk paraqitet shumë premtuese për skuadrën nga Andaluzia.
Ajo ka fituar në Madrid që nga dhjetori 2008 dhe që atëherë ka pasur gjashtëmbëdhjetë humbje dhe vetëm një barazim në shtatëmbëdhjetë vizita në çifligun e Madridit.
Rezultati i vetëm pozitiv për seviljanët në pothuajse tre dekada ishte në sezonin 2020-2021 në Valdebebas, kur lojtarët e stërvitur nga Julen Lopetegui barazuan (2-2), pasi kaluan dy herë përpara me brazilianin Fernando Reges dhe kroatin Ivan Rakitiç dhe vendasit barazuan në të dyja rastet me golat e Asensio dhe Hazard.
Sezonin e kaluar, skuadra e Seviljes, në atë kohë e drejtuar nga Kike Sançez Flores humbi ngushtë një ndeshje që u vendos nga goli i Luka Modriç brenda dhjetë minutave të fundit.
Hera e fundit që Sevilja ka fituar në “Bernabéu” çoi në shkarkimin e trajnerit gjerman Bernd Shuster në fund të një ndeshjeje me shumë përmbysje (3-4), në të cilën Raul, Higuain dhe Gago shënuan për vendasit dhe Renato, Romariç dhe Kanute (2) shënuan golat e mysafirëve.
