Në prag të sfidës Monza-Juventus, që do të luhet nesër në orën 20:45, ka folur për mediat trajneri i Monzës, Nesta.
Ky i fundit u shpreh se në rast se mposht Juventusin, mund të jetë një pikë kthese për skuadrën e tij që po lufton për mbijetesë.
“Unë besoj se kundër skuadrave si Juventus duhet të gjejmë rrugën e duhur dhe të mos rrezikojmë shumë.
Kjo duhet të jetë aftësia jonë. Do të jetë një mundësi për Monzën, sepse nëse arrijmë të marrim një sukses, mund të na japë një shtysë të mirë për ndeshjet e radhës. Fatkeqësisht kemi probleme në sulm dhe në mesfushë.
Juventusi është një ekip shumë fizik dhe ne duhet të bëjmë një paraqitje solide”, shprehet Nesta.
