Futbollisti Erion Sadriu ka treguar vlerat e tij në përballje me Gjilanin.
Sadriu shënoi për fitoren e Ferzajt me rezultat 3:1 ndaj Gjilanit, duke e përmbyllur si lojtar në mënyrën më të mirë pjesën vjeshtore.
Ferizaj përfundoi në vend të tetë me 21 pikë gjatë vjeshtës, ku i pret punë e madhe në pjesën pranverore për të siguruar ekzistencën në elitën e futbollit tonë.
Ferizaj
Sulmuesi Sadriu shprehet i lumtur për golin, për fitoren dhe beson e shpreson se do të arrijnë objektivin që kanë para vetes gjatë pjesës së dytë të kampionatit.
“Bota sot”: Ferizaj shënoi fitore, a e keni pritur me rezultat bindës?
Erion Sadriu: E kemi ditur që ka me qenë lojë shumë e vështirë, mirëpo angazhimi ynë maksimal rezultoi me fitore bindëse.
“Bota sot”: Ju shënuat gol, kujt ia dedikoni?
Erion Sadriu: Golin ia dedikoj të gjithe atyre që me kanë përkrahur dhe me perkrahin në rrugëtim tim.
“Bota sot”: Çka e veçojë Ferizajn në ndeshjen me Gjilanin?
Erion Sadriu: Angazhimi maksimal i të gjithe lojtarëve dhe strategjia e lojës.
“Bota sot”: Ferizaj përfundoi në vend të tetë gjatë vjeshtës, a keni pritur më shumë?
Erion Sadriu: Duke u bazuar në kualitetin e ekipit, ne kemi pritur dhe e meritojmë të jemi më lartë.
“Bota sot”: A mendoni se Ferizaj në pranverë do të jetë edhe më mirë në pozitë po ashtu edhe me pikë?
Erion Sadriu: Besoj se klubi ynë do të jetë edhe më mirë në stinorin pranveror ku shpresoj se përveç angazhimit do ta kemi edhe fatin në anën tonë.
Do të luftohet në çdo ndeshje për çdo pikë në të mirën tonë.
“Bota sot”: Si e sheh kampionatin, me befasi apo?
Erion Sadriu: Kampionati ka qenë shumë sfidues, mirëpo me shumë befasi dhe për mendimin tim është njëri ndër kampionatet më interesante në vitet e fundit.
“Bota sot”: Cila është porosia për tifozët "Ujqit"?
Erion Sadriu: Shfrytëzojë rastin të falënderoj edhe tifozerin tonë "Ujqit" ku dhe padyshim janë edhe lojtari ynë i 12-të. Shpresoj që t’i kemi në perkrahje në çdo ndeshje.
Ne ju premtojm që do të japim maksimumin tonë për çdo ndeshje.
“Bota sot”: Personalisht çka pret?
Erion Sadriu: Personalisht? Shpresoj që ta vazhdoj formën time të mirë me gola, t’i ndihmoj ekipit në objektivat që ka.
