Rei Manaj ka marrë kritika nga trajneri i ri i Sivasporit. Omer Erdohani i është rikthyer përsëri ndeshjes kundër Samsunsporit, duke vënë theksin te largimi me të kuq i Manajt.
Kreu i pankinës së bardhekuqve ka thënë se një akt i tillë rebelimi është i papranueshëm dhe këshillon lojtarin shqiptar që të kontrollojë nervat e tij në fushën e lojës.
“Manaj bëri një lëvizje që nuk duhej ta bënte në atë çast rebelimi.
Ai gjithashtu na vendosi në një situatë të vështirë në minutat e mbetura të ndeshjes. Ndoshta ne mund ta kishim marrë fitoren në minutat e fundit.
Kjo është një situatë e papranueshme.
Adrenalina dhe inati i lojtarëve duhet të jetë më i kontrolluar në pjesën e fundit të ndeshjes.
Përfundimisht nuk besoj se ishte diçka e qëllimshme, sepse ai përfaqëson një komunitet të fortë këtu. Edhe nëse e bën me qëllim, është një lojtar me përvojë dhe nuk duhet ta bëjë këtë”, ka deklaruar Omer Erdohani.
