Mbrojtësi ka shkelur një ligj që i ndalon burrat të prekin një grua jashtë rrethit të tyre familjar!
Mbrojtësi Ramin Rezaeian, ndërkombëtari iranian, që luan për Esteghlal, do të skualifikohet për përqafimin e një tifozeje para ndeshjes kundër Chadormalu. Një arsye e bujshme, por jo diçka e re në tokën iraniane, duke qenë se tashmë në prillin e kaluar, portieri Hossein Hosseini ka marrë një thirrje nga komisioni i etikës për të njëjtën arsye.
Rezaeian, i thirrur për Kupën e Botës 2018 dhe 2022, në fakt ishte fajtor për shkeljen e një ligji në fuqi në Republikën Islamike të Iranit pas revolucionit të vitit 1979.
Sipas rregullave në fuqi në Iran, në fakt është e ndaluar prekja e një gruaje jashtë rrethit familjar.
Duke përqafuar tifozen para ndeshjes mes Esteghlal-it dhe Chadormalu-t, pra, Rezaeian ka shkelur ligjin.
Pranverën e kaluar, Hossein Hosseini u dënua me një ndeshje dhe një gjobë prej rreth 4,500 euro për mbrojtjen e një vajze që pushtoi fushën në fund të ndeshjes midis Aluminum Arak dhe Esteghlal. Portieri e kishte bërë këtë gjest për ta mbrojtur nga "trajtimi i veçantë" i stjuardëve që kishin mbërritur menjëherë.
Në Iran, femrat janë rikthyer në stadiumet e futbollit, pas mbi 40 vitesh ndalime, për të ndjekur ndeshjet fillimisht vetëm për kombëtaren, pastaj edhe të tjera. E gjitha kjo falë presionit të FIFA-s ndaj federatës lokale të futbollit.
