Vinicius Junior sot ka marrë edhe një çmim pas sezonit fantastik me Real Madridin.
Ylli brazilian i Realit është shpërblyer nga “Globe Soccer Awards”, si më i miri i botës.
Pasi mori këtë çmim, Vini ka thënë se i falënderon të gjithë që morën pjesë në këtë sezon.
“Nuk është e lehtë të arrish deri këtu. Kam hequr dorë nga shumë gjëra në ndjekje të ëndrrave të mia dhe një qëllimi kryesor…
Të bëj krenarë ata që dua”.
“Marrja e një çmimi kaq të rëndësishëm përmbyll një vit të mrekullueshëm për mua. Kam fituar pesë tituj me Real Madridin dhe kjo njohje individuale nga Globe Soccer tregon se jam në rrugën e duhur”.
“Dua të falënderoj Real Madridin, Flamengo-n dhe ekipin kombëtar brazilian që më kanë lejuar të realizoj ëndrrën time për të luajtur futboll. Dhe, sigurisht, të gjithë shokët e mi të skuadrës”, ka thënë ai.
Vini e ka fituar edhe çmimin “The Best”, derisa doli i dyti në “Topin e Artë”.
