Sipas raporteve nga Sky Sport Italia dhe disa media të tjera në Itali, Milani ka qenë gjithashtu në kontakt me përfaqësuesit e sulmuesit të PSG-së dhe kombëtares franceze, Randal Kolo Muani, i cili raportohet se është njoftuar se mund të largohet nga “Parc des Princes” në javët e ardhshme.
Kolo Muani ka humbur besimin e trajnerit Luis Enrique te PSG dhe pritet të largohet nga klubi gjatë afatit kalimtar të janarit, me shumë gjasa në formë huazimi me opsione të mundshme për blerje.
Sky Sport Italia raporton se Milani ka kërkuar informacion për situatën e sulmuesit francez.
Sipas raporteve të së shtunës, Juventusi është gjithashtu i interesuar për finalistin e Kupës së Botës 2022, për të siguruar mbulim dhe konkurrencë për Dushan Vlahoviq..
Ndërkohë, interes për Kolo Muanin kanë shfaqur edhe ekipe të tjera si Bayern Munich, Manchester United, Liverpool dhe Tottenham nga Premier League.
Sipas përditësimeve të Gianluca Di Marzio, PSG pritet të miratojë një marrëveshje huazimi gjashtëmujor me një kosto prej rreth 4 milionë euro.
Gjithashtu, klubet e interesuara pritet të mbulojnë plotësisht pagën e lojtarit, që vlerësohet të jetë rreth 5 milionë euro plus bonuse për muajt e mbetur të sezonit 2024-25.
