Antonio Conte është kthyer në Itali pas disa vitesh në Angli, ku është ulur në pankinën e skuadrave si Çelsi e Totenhem.
Trajneri italian argumenton se tashmë niveli i Serisë A është rritur, edhe në idenë e futbollit që propozojnë skuadrat, ndërsa shpjegon se taktikisht, kampionati italian është numri 1 në Europë.
“Niveli është rritur, në krahasim me kampionatin anglez në ndryshonim sa i përket intensiteti, ndërsa tani ky i fundit është rritur shumë te ne.
Pastaj taktikisht e gjej shumë më mirë se sa jashtë. Kishte një evolucion në shumë aspekte, pikërisht si trajnerë dhe vizion loje, ndërsa shihet edhe në kompeticionet në Europë.
Është e vështirë të luash kundër një skuadre italiane, Fiorentina ka bërë dy finale radhazi, Atalanta në Ligën e Europës, Interi në finalen e Ligës së Kampioneve, skuadra e pestë në Champions nga renditja…
Këto janë të gjitha sinjale që thonë se Italia ka ecur para dhe është një kampionat më i bukur dhe i vështirë. Ka qenë gjithmonë e vështirë të përballohet një skuadër italiane, por sot jemi rritur shumë dhe marka jonë ka qenë gjithmonë e rëndësishme nëpër botë”, ishin fjalët e Kontes sot në konferencë për shtyp, kur u ngacmua rreth eksperiencës së tij në Angli dhe asaj në Itali.
