FC Shkupi njofton se ka arritur marrëveshje me mbrojtësin turk, Emir Yazici. Bëhet fjalë për një futbollistë 22-vjeç, i dalë nga shkolla e Trabzonsporit, por që së fundmi luante me skuadrën e Kusadasispor.
Yazici kishte kaluar të gjitha grupmoshat te Trabzonspor, ndërsa për herë të parë në moshë 19-vjeçare ishte transferuar te Karagumruk.
Ndryshe gjatë karrierës së tij, i njëjti kishte luajtur edhe me disa skuadra tjera në Turqi, ndërsa transferimi te FC Shkupi do të jetë i pari për të jashtë vendlindjes.
Qendërmbrojtësi Yazici (185cm) në shoqërim të Drejtorit Gjeneral, Aykut Turan, me FC Shkupin ka firmosur kontratë për dy vite e gjysmë.
