Chelsea pritet të jetë një nga skuadrat më aktive në afatin kalimtar të janarit, pasi blutë e Londrës duan të përforcohen.
Sipas talkSPORT , Chelsea ka Liam Delap dhe Evan Ferguson në mesin e objektivave të tyre të mundshëm pasi ata po kërkojnë të forcojnë repartin ofensivë.
Pretendohet se klubi dëshiron të lehtësojë barrën e golave për Nicolas Jackson, i cili ka nëntë gola në 17 ndeshje këtë sezon.
Ferguson ka qenë në radarin e Chelseat edhe vitin e kaluar edhe pse ishte vetëm 20 vjeç.
Këtë sezon, koha e tij e lojës për Brighton është kufizuar: ai luajti vetëm dy herë në Ligën Premier si titullar, duke luajtur gjithsej 219 minuta në kompeticion dhe duke shënuar vetëm një herë.
Pavarësisht kësaj, ndërkombëtari irlandez ende vlerësohet në nga 60-80 milionë funte nga Brighton, i cili do të hezitojë ta shesë atë në janar.
Delap ishte zbulimi i këtij sezoni për Ipswich Town , duke shënuar shtatë gola.
Megjithatë, klubi është shumë i etur për ta mbajtur atë gjithashtu, pasi ai shihet si thelbësor për shanset e tyre për mbijetesë në Ligën Premier.
Londinezët kanë disa opsione për repartin ofensivë, por Delap dhe Ferguson shihen si më të arritshmit pasi janë premtues për të ardhmen.
