Granti Xhaka si gjithmonë kampion!
Xhaka e kishte nisur me titull të kampionit të botës me Zvicrën U17 në vitin 2009!
Në një intervistë të publikuar për Vitin e Ri me 31 dhjetor të vitit 2009, 1,2,3 janar 2010, Xhaka kishte treguar një detaj interesant qysh në moshën e re të tij.
Gazeta kombëtare "Bota sot" më 31 dhjetor 2009, 1,2, 3 janar 2010
Sot Xhaka është futbollisti kryesor i kampionit të Gjermanisë, Bayer Leverkuseni dhe kapiten i kombëtares së Zvicrës.
“Futbollist i dëshmuar, në kampionatin botëror të mbajtur në Nigeri gjatë këtij viti, bëri kërdinë dhe ishte në qendër të vëmendje nga mbarë mediat zvicerane e botërore.
Një Granit i fuqishëm që çoi peshë tërë opinionin, madje shumë nga shqiptarët e zviceranët kërkuan edhe autografe nga ai. U prit si hero nga Parlamenti zviceran.
Të gjitha meritat ia dedikon prindit të tij, Ragipit, por e falënderon edhe vëllain, Taulantin, që së bashku do të luajnë në skuadrën e parë të Baselit. Graniti që tmerroi edhe adhuruesit nigerianë, i cili së bashku me tre shqiptarë të tjerë, Pajtim Kasamin e Frederik Veselin ngrenë në qiell titullin e Botës.
Graniti që u bë VIP brenda një kohe të shkurtër dhe që ngriti në këmbë tërë zviceranët me suksesin historik që e arritën në Nigeria”, ka shkruar gazeta kombëtare “Bota sot” me 31 dhjetor të vitit 2009 dhe 1,2,3 janar 2010.
]Përveç familjes që iu ka telefonuar vazhdimisht sa ishit në Nigeria, ka ndodh të keni ndonjë mesazh të papritur në celular nga shokët, shoqet apo thënë më mirë mikesh apo mik që nuk e keni pritur?
Granit Xhaka ishte përgjigjur kësisoj në fund të vitit 2009: “Po. Kam të regjistruara mbi 2500 sms dhe mbi 2500 e-mail, që më kanë uruar për titullin e botës: si shqiptarët po ashtu edhe zviceranët.
Për mua si një i ri më ka befasuar kur kam marrë një letër nga një grua e moshuar zvicerane, e cila më ka lutur që për gjashtë nipat e mbesat e saj t’ua jap një autografe dhe një fotografi për kujtim. Kjo për mua ka qenë e jashtëzakonshme, e paharrueshme”.
