Portieri i Milanit, Majk Menja ka dalë në konferencën për mediat krah trajnerit Sexho Konseisao.
Si i përjetuat këto ditë të komplikuara në dhomat e zhveshjes?
“Ne e dimë që detyra nuk është kurrë e lehtë, por ishim të përqendruar dhe të vëmendshëm në atë që trajneri dhe stafi i ri kërkon nga ne në mënyrë që të jemi gati sa më shpejt”.
Milani dhe Juventusi janë dy të zhgënjyer në kampionat për momentin. Çfarë ju bën veçanërisht të zhgënjyer?
“Të zhgënjyer thonë në fund, tani për tani duhet të veprojmë dhe të bëjmë gjithçka që mundemi, çdo ditë, për të qenë më produktivë. Nesër është një gjysmëfinale, një ndeshje shumë e rëndësishme për klubin dhe për ne, duhet të bëjmë maksimumin e këtij momenti 100% sepse koha e duhur është nesër, jo më parë.”
Shkarkimi i një trajneri është edhe faji, të paktën pjesërisht, i grupit. Çfarë ndjeni t’u thoni fansave?
“Nuk më pëlqen të flas shumë, kur flasim shumë, është gjithmonë e vështirë. Ajo që mund të them është se jemi këtu për të reaguar, duhet ta bëjmë në mënyrën më të mirë të mundshme. Unë i njoh shokët e skuadrës, e di që të gjithë çdo ditë përpiqen të japin maksimumin për të bërë punën.”
A e përshëndetët zotin Fonseka?
“Po sigurisht, ai është një njeri i madh dhe ne kemi respekt. Sigurisht që e kam përshëndetur, e kemi përshëndetur të gjithë”.
E ndiqni kampionatin saudit? Dëshironi të luani në Arabi?
“Unë jam i sinqertë ne luajmë shumë dhe nuk kam pasur kohë ta ndjek.
Por ai po rritet, me kaq shumë kampionë nga futbolli evropian ne ende mund të rritemi. Nuk më pëlqen të flas për të ardhmen. Nuk e di nëse do të jetë në Arabi apo diku tjetër, futbolli po ecën shpejt dhe unë duhet të përfitoj nga momenti, duhet të jem gati për të luajtur nesër mbrëma kundër Juventusit”.
