Legjenda e Arsenal-it, Paul Merson, i ka kërkuar Mikel Arteta-s që të shpenzojë paratë për të nënshkruar me yllin e Newcastle, Alexander Isak në merkaton e janarit.
Duke folur për Sky Sports, legjenda e Topçinjve tha: “Nëse do të isha Arsenali dhe do të kisha paratë, do të blija Isak. Do të thyeja bankën për të. Ai është më i miri nga më të mirët, ai e çon Arsenalin në nivelin tjetër.
“Unë kam një këndvështrim të gjithanshëm, po shikoj edhe sezonin e ardhshëm. Mendoj se nëse mund të kapim Isak, i cili është më i miri për momentin, mendoj se do të ishte një goditje e madhe për Arsenal-in”.
Newcastle thuhet se ka vendosur një çmim më të madh se 150 milionë £ (181 milionë €) për Isak nëse ndonjë klub dëshiron ta nënshkruajë atë në merkaton e janarit.
Për më tepër, sulmuesi suedez nuk duket se është shumë i prirë të largohet nga Magpies, siç u tha gazetarëve në Suedi:
“Po komentoj situatën time në Newcastle dhe nuk kam pasur kurrë ndonjë problem atje.
“Unë jam plotësisht i fokusuar në detyrën time te Newcastle dhe se do të kemi një sezon fantastik. Ka ende mundësi të mëdha për këtë. Nuk kam asnjë mendim për asgjë tjetër”.
