Real Madrid do të ketë një mundësi të artë për t’u rikthyer në krye të tabelës së La Ligës të premten e 3 janarit kur të përballen me Valencian në Mestalla.
Ndeshja është rikthyer në kalendar pasi ishte shtyrë për shkak të përmbytjeve të forta që preken rajonin e Valencias në muajin nëntor.
Real Madrid aktualisht renditet në vendin e dytë me 40 pikë, vetëm një pikë pas liderëve të Atletico Madrid. Me një fitore ndaj Valencias, Reali jo vetëm që do të rimarrë kreun e tabelës, por edhe do të forcojë pozitat si favorit për titullin e kampionit.
Nga ana tjetër, Valencia gjendet në një situatë të vështirë, duke u renditur në vendin e 19-të me vetëm 12 pikë. Klubi ka kaluar një sezon të trazuar, me ndërrim të trajnerit. Carlos Corberán, i emëruar së fundmi, do të drejtojë ekipin kundër Realit me shpresë për të ndryshuar rrjedhën e sezonit.
Trajneri i Real Madridit, Carlo Ancelotti, do të kërkojë të përfitojë nga kthimi i Vinícius Júnior, që ka përfunduar pezullimin dhe është gati për lojë. Gjithashtu, David Alaba mund të jetë në dispozicion, ndërsa Dani Carvajal dhe Éder Militão mbeten të lënduar.
Valencia do të ketë vështirësi për shkak të mungesës së disa lojtarëve kyç, përfshirë kapitenin José Gayà, i cili ende nuk është rikuperuar plotësisht.
A do të arrijë Real Madrid të rikthejë dominimin në LaLigë, apo Valencia do të shfrytëzojë këtë mundësi për të ringjallur sezonin e saj? Ndeshja premton emocione dhe spektakël të garantuar.
