Ndërsa afrimi i një mbrojtësi (për të mbushur boshllëkun e krijuar nga dëmtimi i Bremer) mbetet përparësia absolute për bardhezinjtë, Giuntoli vazhdon të ndjekë edhe tregun e sulmuesve.
Në orët e fundit janë zhvilluar kontaktet e para për Joshua Zirkzee, objektivi kryesor i Thiago Motta për repartin ofensiv.
Pengesa kryesore në negociata është marrëveshja e holandezit me Manchester United, megjithëse një dakordësi e përgjithshme me agjentin e ish-sulmuesit të Bologna, Kia Joorabchian, është arritur prej kohësh.
Sulmuesi 23-vjeçar, i zëvendësuar që në minutën e 33-të gjatë humbjes së fundit të ekipit të tij kundër Newcastle, po shtyn për një rikthim në Itali, pasi ka prishur marrëdhëniet me trajnerin Ruben Amorim.
Për momentin, Manchester United nuk pranon huazimin e ish-lojtarit të Parmës dhe Anderlecht, një zgjidhje që preferohet nga Juventusi. Klubi anglez dëshiron ta shesë përfundimisht sulmuesin, i cili ka shënuar vetëm 3 gola në këtë pjesë të parë të sezonit.
Tani mbetet për t’u parë nëse Juventusi do të ofrojë një huazim me detyrim blerjeje, që është kushti kryesor i vendosur nga anglezët për ta mbyllur marrëveshjen në janar. Thiago Motta shpreson të ribashkohet me “bomberin e tij” të kohës së Bologna.
