Jude Bellingham ishte heroi i Real Madridit në ndeshjen e mbrëmshme ndaj Valencias.
Ylli anglez shënoi golin e fitores në 90+6, duke i sjellë tre pikë të mëdha klubit mbretëror.
Pavarësisht se ka shumë yje në skuadrën e Real Madridit, si Mbappe e Vinicius Jr, Bellingham pas ndeshjes ka deklaruar se dëshiron të jetë lider i skuadrës.
“Dua të jem lider i kësaj skuadre. Këto lloj lojërash tregojnë se ky është Real Madridi. Kur e ke këtë distinktiv në këmishë, thjesht nuk dorëzohesh kurrë. Ky është mentaliteti që meritojnë tifozët tanë”, deklaroi Bellingham.
21-vjeçari prej se u transferua te Reali, nga vera e vitit 2023, ka shënuar 31 gola dhe ka bërë 19 asistime.
