Të dielen zhvillohet derbi më i madh në futbollin anglez.
“Anfield” do të dhuroë shfaqjen mes Liverpulit dhe Manchester United, e cila zhvillohet nga ora 17:30.
Dy skuadrat më të trofeshme në Premierligë pritet të dhurojnë spektakel ashtu si në çdo ndeshje mes tyre.
Trajaneri i Liverpulit, Arne Slot para ndeshjes ka vlerësuar lartë skuadrën e Manchetser Unitedit, duke thënë se ata kanë futbollistë shumë të mirë.
“E thashë para ndeshjes së parë dhe mund ta them edhe një herë: ata kanë lojtarë shumë më të mirë, për mendimin tim, sesa ndoshta tabela e ligës tregon për momentin”, deklaroi tekniku holandez.
Liverpul po kalon një sezon fantastik, duke qënë lider i tabelës me 45 pikë në 18 ndeshje, ndërsa United renditet në vendin e 14-të, me vetëm 22 pikë.
Në ndeshjen e parë të këtij sezoni, Liverpuli e mposhti Manchester Unitedin në ”Old Trafford”, me rezultat 0-3.
