Ish-sulmuesi i Irlandës dhe Tottenham, Robbie Keane, është emëruar trajner i Ferencvaros, ka njoftuar klubi hungarez të hënën.
"Njoftojmë se pasardhës i holandezit Pascal Jansen për të drejtuar ekipin tonë tridhjetë e pesë herë kampion dhe njëzet e katër herë fitues të kupës, është Robbie Keane, i cili ka nënshkruar sot", thuhet në deklaratën e klubit.
Ish-sulmuesi pritet të udhëtojë të martën për në kampin stërvitor të Ferencvaros në Spanjë.
Keane rolin e tij të parë si trajner kryesor e kishte te te Maccabi Tel Aviv në Premier Ligën izraelite në vitin 2023.
Gjatë karrierës së tij si lojtar, irlandezi ka shënuar mbi 300 gola për klube si Tottenham, Leeds United, Liverpool dhe West Ham United.
