Pep Guardiola ka pranuar se Jack Grealish duhet të dëshmojë vlerën e tij në Manchester City këtë sezon pasi humbi vendin e tij nga Savinho.
29-vjeçari nuk ka shënuar asnjë gol për “citizens” që nga dhjetori 2023.
Jo vetëm kaq, por ai ka luajtur si titullar vetëm dy ndeshje të Premier League për skuadrën e Pep Guardiola që nga 20 tetori.
Ndërkohë që, Savinho i është dhënë më shumë hapësirë, duke qenë vendimtar në fitoren 4-1 ndaj West Ham me 3 asist.
“Savinho është në formë më të mirë dhe po bën gjithçka më mirë se sa Jack. Kjo është edhe arsyeja pse luajta me Savinhon”, tha Guardiola, që më tej shtoi: “Unë e dua Grealisht, na ndihmoi vjet, por po përpiqem të jem i sinqertë me veten për këtë”.
“Ata të dy duhet të luftojnë për vendin e titullarit. Mund të thuash se është e padrejtë, por ky është realiteti. Ata duhet ta kuptojnë se po luftojnë për atë pozicion çdo ditë, çdo javë dhe çdo muaj”, u shpreh Pep Guardiola.
