Serxhio Konseisao ka fituar trofeun e tij të parë në krye të Milanit.
Portugezi mori në duar Superkupën e Italisë, pasi përmbysi Interin më rezultatin 2:3 në finale.
Konseisao është paraqitur në konferencë për shtyp pas ndeshjes, ku ka treguar se bësontë që në fillim në faktin se mund të kryente një punë të mirë me kuqezinjtë.
“Kisha besim te puna ime, te stafi im, te lojtarët, të cilët i kam parë që nga larg. E kam ndjekur gjithnjë futbollin italian, edhe kur kam qenë jashtë. E dija se mund të bëja një punë të mirë. Por ende nuk kemi bërë asgjë. Sot do të festojmë dhe nga nesër do të mendojmë për Kaljarin.
Vendi i Milanit nuk është i 7-i apo i 8-i, por duhet të jemi të parët. Gjithashtu duhet të tregojmë forcën tonë edhe në Ligën e Kampionëve”, ka deklaruar Serxhio Konseisao.
