Liverpool po kryeson bindshëm në Premier League, duke përfituar edhe nga kriza që po kalon Manchester City.
Të Kuqtë kanë 12 pikë avantazh dhe një ndeshje më pak në krahasim me Citizens.
Megjithatë, kjo situatë nuk e lë të qetë Mohamed Salah (19 ndeshje dhe 18 gola në Premier në këtë sezon).
“Jam i befasuar nga Manchester City, por e kuptoj. Gjithsesi, vazhdojnë të kenë të njëjtin trajner dhe të njëjtët lojtarë”, ka thënë sulmuesi i Liverpool-it për Canal+.
“Sigurisht, kanë disa dëmtime, kjo nuk mund të injorohet.
Por jam i sigurt se do të kthehen në nivelin e tyre.
“Kështu që ne duhet të vazhdojmë të fitojmë ndeshjet sepse, kur të gjejnë çelësin, mendoj se nuk do të humbin më asnjë ndeshje”.
