Këshilli i Lartë i Sporteve (CSD), ka lejuar skuadrën e Barcelonës që dy futbollistët, Dani Olmo dhe Pau Victor të luajnë në Superkupën e Spanjës.
Ata janë në dispozicion të trajnerit Hansi Flick, qysh nga ndeshja e sotme ndaj Atletiko Bilbaos.
”Kjo masë, e cila është e përkohshme deri në zgjidhjen përfundimtare të ankesës së bërë nga klubi dhe lojtarët e sipërpërmendur, pezullon Marrëveshjen e Komitetit të Monitorimit të Marrëveshjes Koordinuese RFEF-LaLiga, datë 4 janar 2025, dhe anulimin e licencave sportive të lojtarët e lartpërmendur. Ai gjithashtu ruan vlefshmërinë e licencave të përmendura derisa ky ankim të zgjidhet përfundimisht.”, thuhet në vendim.
”Lidhur me këtë, KSD-ja ka vlerësuar se, sipas nenit 27 të Ligjit për Sportet, sportistët profesionistë kanë të drejtë “në një karrierë sportive në përputhje me potencialin e tyre” dhe me të gjitha garancitë dhe sigurinë.
Në këtë moment, FC Barcelona dhe lojtarët e saj janë zhytur në Superkupën e Spanjës, titulli i parë zyrtar i sezonit, me shikueshmëri dhe ndikim mbarëbotëror dhe në të cilin marrin pjesë vetëm skuadrat që kanë pasur performancën më të mirë në garat kombëtare në sezonin e kaluar. .
CSD vlerëson se mos miratimi i kësaj mase paraprake do të shkaktonte dëme serioze ekonomike dhe sportive për klubin dhe mbi të gjitha për lojtarët. Kjo mund të dëmtojë gjithashtu interesat e kombëtares spanjolle, si dhe të pjesës tjetër të garave kombëtare, përfshirë La Ligën.”, thuhet në vendim.
