Napoli është i interesuar të nënshkruajë në merkaton e janarit me mesfushorin e Chelsea, Cesare Casadei.
Skuadra e trajnerit Antonio Conte synon një marrëveshje të përhershme me 21-vjeçarin italian.
Casadei këtë sezon nuk ka luajtur asnjë minutë në Premier League, por është aktivizuar në ndeshjet e Conference League me Chelsea. Lojtari nuk është pjesë e planeve të klubit, ndaj do të lihet i lirë.
Napoli mund të paguajë rreth 10 milionë euro për lojtarin, që ka një kontratë deri në vitin 2028 me londinezët. Duket se Conte kërkon t’i japë më shumë besim lojtarit, në perspektivë për të ardhmen.
Klubi italian kërkon përforcime pas paraqitjes së mirë në kampionat dhe Casadei shihet si një lojtar i përshtatshëm, duke parë moshën e re. Vjet ai luajti i huazuar te Leicester (3 gola në 25 ndeshje).
