Tashmë është zyrtare: Ledio Beqja largohet nga Teuta për të nisur një aventurë të re në karrierë në kampionatin hungarez me skuadrën e ETO FC Gyor.
“Klubi i Futbollit Teuta njofton sot arritjen e marrëveshjes me ETO FC Gyor për transferimin e Ledio Beqjas në kampionatin hungarez të futbollit.
Pas 6 vitesh dhe 4 trofe të fituar, Ledio Beqja largohet nga Teuta. Beqja është një produkt i akademisë së Teutës dhe debutoi me ekipin e parë në moshën 17-vjeçare.
Gjatë këtyre sezoneve ai ka fituar katër trofe me fanellën blu, ndërsa ka grumbulluar 151 ndeshje dhe ka shënuar 5 gola.
KF Teuta falenderon Ledion për të gjithë kontributin e dhënë përgjatë aventurës së tij me “Djemtë e Detit”. Ai gjithashtu meriton një vend në histori për gjithçka ka dhënë”, shkruhet në njoftimin e klubit durrsak.
