Fundi i ndeshjes mes Majorkës dhe Realit të Madridit në Xhide, e vlefshme për një vend në finalen e madhe të Superkupës së Spanjën, ka përfunduar me skandal si në fushë edhe jashtë saj.
Në fushë lojtarët e të dy ekipeve përfunduan ndeshjen duke u zënë me njëri-tjetrin ndërsa në shkallët e stadiumit tifozët sauditë kanë “përfituar” nga kaosi duke ngacmuar disa prej familjarëve të futbollistëve.
Kështu përpara mikrofonëve të medieve spanjolle dolën për të denoncuar këtë skandal bashkëshortet e dy futbollistëve të Majorkës, Dani Rodríguez dhe Dominik Greif.
“E vërteta është se djemtë e këtij vendi na kanë ngacmuar. Unë dhe Natali, gruaja e Dominik Greif, u skandalizuam nga ajo që ndodhi”, tha Kristina Palavra, bashkëshortja e Dani Rodriguez.
