Marcus Rashford është njeriu i momentit te Milan dhe kjo është e qartë pas vizitës që përfaqësuesit e lojtarit bënë në Itali ditët e fundit.
Ardhja e tyre kishte të bënte jo vetëm me transferimin por edhe për negocionin mes kuqezinjve dhe Manchester United në lidhje me pagesën e lojtarit.
Rashford ka një pagë prej 13 milionë eurosh në vit, e cila për gjysmën e sezonit është 6.5 milionë, shumë e cila mund të ndryshojë me bonuset.
Milan nuk mund ta paguajë atë shumë, pasi do ta bënte Rashford lojtarin më të paguar në skuadër. Ndaj, kërkohet ndihmë si nga lojtari ashtu dhe nga United.
Anglezi mund të heqë dorë nga një pjesë e pagës së tij për të rinisur karrierën në Itali, ndërsa United mund të paguajë një pjesë të pagës së tij për të hequr qafe një lojtar që nuk është më në planet e Amorim. Pra, bëhet fjalë për gjetjen e një marrëveshjeje të konsensuale.
Milani mund të përfundojë duke paguar nga 3 deri në 5 milionë euro, shumë e arritshme me shumë punë diplomatike dhe ndihmë nga Rashford. Kuqezinjtë sapo kanë grumbulluar 9.5 milionë euro me fitoren e Superkupës, shumë që mund të rritet me ndonjë miqësore ndaj ndonjë klubit arab në vijim.
