Fitore. Ky është objektivi që Tiago Mota i ka vendosur skuadrës së tij në prag të përballjes ndaj Torinos në derbin e qytetit.
Trajneri bardhezi dha konferencën për shtyp duke konfirmuar mungesat e Konseisao dhe Vlahoviç, ndërsa anashkaloi me sportivitet pyetjet në lidhje me merkaton e janarit.
Çfarë ndeshjeje prisni kundër Torinos në derbi?
Si gjithmonë e komplikuar, si ndeshja e parë.
Do të jetë një ndeshje e veçantë për ne dhe për tifozët. Ne mezi presim të dalim në fushë dhe duam të fitojmë. Në 26 ndeshje kemi humbur vetëm dy herë. Nevoja jonë është të angazhohemi në çdo seancë stërvitore për të arritur fitoren si në kampionat dhe në kompeticione të tjera.
Me lamtumirën e Danilos, kush do të jetë kapiteni?
Pa Lokatelin, sot do të shihni se kush do të jetë kapiten.
Si mund të shpjegohet kjo mungesë e vazhdimësisë së rezultateve?
Është nevoja jonë që t’u japim vazhdimësi fitoreve. Përkushtimi ynë është i përditshëm për të arritur këto rezultate.
Në cilin rol shprehet më mirë Duglas Luiz?
Si mesfushor, nga mënyra se si ne luajmë, ai mund të luajë në të tre pozicionet. Ai është një lojtar i mirë, mund të shënojë gola, mund të ndërtojë lojën dhe mund të bëjë mirë në fazën mbrojtëse.
Pse pësoni më shumë gola së fundmi?
Sepse ne bëjmë gabime dhe gjithashtu për shkak të vlerës së kundërshtarit. Duhet të bëjmë më pak gabime, të krijojmë më shumë dhe të finalizojmë më mirë për të provuar të fitojmë.
Çfarë prisni nga merkato?
Nevoja jonë sot është të bëjmë mirë sot. Ne e dimë se sa e rëndësishme është ndeshja, duhet të qëndrojmë të fokusuar sepse duam të fitojmë.
Prisnit të kishit lojtarë me më shumë karakter?
Kemi luajtur ndeshje ku kemi treguar karakter të madh. Kundër Milanit kemi pasur vështirësi të reagojmë, herë të tjera e kemi bërë dhe kjo do të thotë se skuadra ka karakter dhe ende mund të përmirësohet.
Prisnit polemika mbi deklaratën për të qenë të fiksuar pas fitores?
Nevoja jonë është të fitojmë dhe ne e dimë mirë. Unë thashë që zgjodha këtë profesion për të fituar dhe këtu nuk ka polemika. Të arrijmë te fitorja. Sot, ka shumë punë për të bërë dhe kjo është ajo që ne të gjithë duam.
Çfarë pret nga Torino?
Ne presim një Torino më të mirë duke parë rëndësinë e ndeshjes.
Mund të na jepni një informacion mbi lojtarët e dëmtuar?
Bremer, Vlahoviç, Konseisao, Milik, Kabal e Lokateli nuk do të jenë.
