“Real Madrid është një nga ekipet më të mira në botë, por ne jemi të përgatitur për t'u përballur me ta.
Ne duhet të limitojmë gabimet sepse ata mund të përfitojnë nga çdo mundësi”.
Kështu tha trajneri i Barcelonës, Hansi Flick, gjatë konferencës për shtyp në prag të finales së Superkupës së Spanjës kundër Real Madridit.
Për ndeshjen, trajneri do të mund të llogarisë te Olmo dhe Pau Victor.
"Olmo mund të luajë, ai nuk ka probleme, do të kthehet në ekip.
Nga jashtë dëgjohet vetëm zhurma, ne duhet të jemi të bashkuar dhe të fortë", tha Flick. Fakti që Vinicius është pezulluar për dy ndeshje por vetëm në kampionat për incidentin në Mestalla nuk e shqetëson trajnerin e Barcelonës.
"Nuk është vendimi im. Është mirë të jetë në Superkupë. Të gjithë duan të shohin lojtarët më të mirë”, tha ai në pamjen paraprake të një ndeshjeje që mund t'i japë atij një shtysë për atë që do të vijë:
Kjo është një klasik, një finale e Superkupës. Nëse e fitojmë këtë, do të kemi më shumë besim për pjesën tjetër të sezonit”.
